Бүген Дәүләт Думасына мәктәпләрне тәмамлаучылар өчен Бердәм дәүләт имтиханын (БДИ) мәҗбүри тапшыруны гамәлдән чыгару турындагы закон проектын кертәчәкләр. Моның урынына аларга БДИ һәм традицион чыгарылыш имтиханнары арасында сайлау тәкъдим итәләр. Бу хакта ТАСС яза.

«Һәм рәсми сораштырулар да, теләсә кайсы аудиториядә теләсә нинди очрашу да Бердәм дәүләт имтиханын яратмауларын күрсәтә. Бу ата-аналар өчен чыгымнар, белемнәрне контрольдә тотуның тулы булмаган механизмы, бу тайпылышлар һәм төрле авырулар. Без иртәме-соңмы, бүген яши һәм балаларны газаплый торган зарарлы механизм төзәтелер дип өметләнәбез, ә иң яхшысы - гомумән вакыт узу белән бетерелер», - дип белдерде проект инициаторларының берсе, Дәүләт Думасының Хезмәт, социаль сәясәт һәм ветераннар эшләре буенча комитет җитәкчесе Ярослав Нилов.

Шулай ук Россия Президенты Владимир Путин инициативасы белән укучыларга кабул итү кампаниясе ахырына кадәр берәр фәннән бердәм дәүләт имтиханын яңадан тапшыру мөмкинлеген бирүне «бик җитди һәм конструктив адым», дип белдерде ул.