Шушы көннәрдә Оборона министрлыгы хәрби кафедралары эшчәнлеген дәвам итәчәк югары уку йортлары исемлегенә төзәтмәләр кертте.

Искә төшереп үтәбез, моңарчы 2008 елга 2289 хәрби кафедрадан бары 35генә эшләп калырга тиеш иде. Ә тагын 35 югары уку йортында хәрби укыту үзәкләре булдырырга планлаштырылды. Ләкин хәрби кафедралар санын 109га кадәр күтәрергә килешәләр. Димәк, хәрби үзәкләрдән кала Россиянең 72 югары уку йортында хәрби кафедралар сакланачак.

Ел саен хәрби укыту үзәкләре лейтенант исеме белән 3 мең студент укытып чыгарачак. Бирегә укырга керүчеләр махсус сынау узачак. Укырга алынган студентлар 1 курста бер ярым база стипендиясен, ә икенче курста 3–4 база стипендиясен алачак.

Өстәвенә, быелдан кызларны укырга алачак хәрби югары уку йортлары исемлеге дә зурая. Гадәттә кызларга “хәрби психология”, “хәрби социология” кебек белгечлекләр тәкъдим ителә. Шулай ук хәрби медицина һәм элемтә кебек өлкәләрдә дә кызлар күп укыячак.

Барлыгы быел хәрби югары уку йортларына 500 хатын–кыз алырга исәплиләр. Мисал өчен, Рязань һава–десант училищесы 20 кызны студент итәчәк.

Чыганак: www.5ballov.ru