Татар һәм рус телләре – төрле тел системаларына, семьялыкларына керә: татар теле – агглютинатив, рус теле – флектив телләр системасына карый. Икенче телгә өйрәткәндә ике телнең дә грамматик төзелешләренең үзенчәлекләрен белү әһәмиятле. Бигрәк тә фигыльләрнең. Чөнки җөмлә, күбесенчә, фигыльдән башка төзелми. Төрле системадагы телләр булсалар да, татар һәм рус телләренең фигыльләрендә шактый гына уртак яклары да күзәтелә.

Хезмәттә чагыштыру юлы белән ике телдә дә фигыльнең уртак һәм аермалы якларын характерлау адымы ясап каралды.
Тәкъдим ителә торган диплом эшенең темасы – “Хикәя фигыльгә хас грамматик категорияләр (татар һәм рус телләре материалында)”.