Клара Булатова иҗатын өйрәнүнең актуальлеге. Бар гомерен шигърияткә һәм укытучы хезмәтенә багышлаган шагыйрә яшь буынга тормыш мәгънәсен аңларга, ялгыш адымнар ясаудан сак булырга, бер-береңне яратып һәм хөрмәтләп яшәргә өйрәтүе белән бу тема һәрвакыт актуаль булып калачак.

Өйрәнүнең максаты: шагыйрә иҗатының күпкырлы, эзлекле һәм мәгънәле булуын дәлилләү. Бу максат түбәндәге бурычларны ачыклауны күздә тота:

• К. Булатова иҗатында сугыш тематикасы чагылышы;
• К. Булатова иҗатында мәхәббәт лирикасы;
• шагыйрә иҗатында гаиләгә, кешеләр арасындагы мөнәсәбәтләргә бирелгән урын.

Тикшерү объекты: К. Булатованың төрле елларда иҗат иткән әдәби әсәрләре.

К. Булатова иҗатын өйрәнүнең практик әһәмияте: яшь буынга әхлак тәрбиясе бирүдә шагыйрә иҗатының матур үрнәкләрен файдалану; тормыш кадерен аңларга, бер-береңә игътибарлы һәм итәгатъле булырга өйрәтү .

Сезнең кайчан да булса тезелешеп очкан кошларны күзәткәнегез, алар биеклегенә күтәрелергә тырышканыгыз юкмы? Әгәр булса, сез шигъри җанлы кеше. Зәңгәр күктән тезелешеп очкан кошлар каурыйлары белән һавада шигырь язып калдыралар. Ә инде кошлар телен аңлый белүче илаһи затлар шул шигырьләрне эләктереп алалар да дәфтәр битләренә төшерәләр. Аларны шагыйрьләр дип атыйлар. (Фәнис Яруллин)