Укытучы:

- Күктә йолдызлар бик күп. Безгә иң якын йолдыз – кояш. Кояш тирәсендә планеталар хәрәкәт итә. (Слайдта кояш системасы күрсәтелә)

Тактага кояш рәсеме куела. Кояш тирәсенә балалар дөрес тәртиптә планеталарны урнаштыралар. (Укучылар сан язылган карточканы алалар, аның нинди саннар арасында урнашканын әйтәләр, аннары планетаның исемен әйтәләр.)

- Без нинди планетада яшибез?

- Җир планетасында.

- Галимнәр башка планеталарда тереклек бармы-юкмы икәнен тикшерәләр. Сез үскәч, бәлки галим булырсыз һәм планеталарны өйрәнерсез. Без яшәгән планета бик матур. Ә безнең планетабызның иярчене ай да бар.