Быел Габдулла Тукай, Муса Җәлил һәм башка бик күп әдипләрнең юбилейлары булса, киләсе елга «Әдәби марафон» проекты да беренче юбилеен үткәрәчәк – көз айларында 10 яшь тулачак.

Марафон елга дүрт тапкыр үткәрелә, 1-21 гыйнварда үткәрелгән 34 нче әдәби марафонның финалистлар исемлеге билгеле булды. 2026 елның иң беренче марафончылары арасында Италиядән, Төркиядән, Үзбәкстаннан, Россиянең 19 төбәгеннән һәм Татарстан Республикасының 43 районы һәм шәһәреннән әдәбият сөючеләр бар. Финалистлар исемлеге «Татнетны үстерү фонды»ның рәсми сайтында урнаштырылган: https://tat-i.net/tt/finalistlar-34