Татарстан Республикасының Мәгарифне үстерү институты Татарстан Республикасының Мәгариф һәм фән министрлыгы кушуы буенча тиздән башлангыч сыйныф укытучылары өчен курслар оештырачак. “XXI гасыр башлангыч мәктәбе” (Н.Ф.Виноградова ред.) исемле укыту-методик комплектын оештыру эшендә эчтәлек һәм методик үзенчәлекләр” проблемасы буенча курс агымдагы елның 2-13нче февраль көннәрендә узачак.

Курс эшендә әлеге укыту-методик комплекты авторлары Л.В. Петленко һәм Т.В. Юдачева, шулай ук «Вентана-Граф» (Мәскәү шәһәре) нәшрияты методистлары катнашачак.

Программада түбәндәге темалар каралачак:
• Икенче буын Федераль дәүләт мәгариф стандартларын апробацияләү шартларында башлангыч белемнең үсү перспективалары.
• Укыту-методик комплекты тулылану сәбәпле, “XXI гасыр башлангыч мәктәбе” программасында укыту предметларының эчтәлек үзенчәлекләре.
• Яңа мәгариф стандартларын тормышка ашыру шартларында башлангыч сыйныф укучыларының уку эшчәнлеген оешытру үзенчәлекләре.
• “XXI гасыр башлангыч мәктәбе” программасын тормышка ашыручы башлангыч сыйныф укытучыларының эшләү тәҗрибәсен тәкъдир итү.

Курсларда катнашырга теләк белдергән укытучылар исемлеген 2нче февральгә кадәр (843) 236-68-11 телефоны (башлангыч белем кафедрасы) яисә (843) 2366582 (укыту бүлеге) тел/факсы буенча хәбәр итәргә-юлларга кирәк, дип хәбәр итә уку йортының рәсми сайты.

Барлык юл чыгымнарын укытучыларны юллаучы оешма үз өстенә ала. Укытучыларны 2нче февраль көнне түбәндәге адрес буенча көтәләр: Оренбург тракты ур., 4нче “а” йорт, тулайторак һәм укыту үзәге, тел.: (843) 277-80-98.

Курс җитәкчесе: Хәмитова Гөлназ Рәшит кызы.