Күпләргә таныш «Күңелем сәйләннәре» проектына алмашка «Сабыема» дип аталган I Төбәкара онлайн иҗади бәйгесенә старт бирелде.

Бәйгенең оештыру комитеты:

- Казан шәһәре Киров районының «101 нче номерлы катнаш төрдәге балалар бакчасы» муниципаль бюджет мәктәпкәчә белем бирү учреждениесе;
- «Татнетны үстерү фонды» коммерцияле булмаган оешмасы.

Бәйгенең мәгълүмати партнерлары:

- Татарстан Язучылар берлеге;
- «Шаян ТВ» телеканалы;
- «Белем.ру» мәгариф-мәгърифәт челтәр басмасы;
- «Белем радиосы» балалар һәм яшүсмерләр интернет-радиосы.

Бәйгенең максаты: мәктәпкәчә яшьтәге балаларның, аларны тәрбияләүче педагогларның һәм балаларның ата-аналарының иҗади мөмкинлекләрен ачуга ярдәм итү, татар теленә, әдәбиятка, шигърияткә кызыксыну уяту.

3 яшьтән 7 яшькә кадәр балаларны, аларның ата-аналарын һәм тәрбиячеләрне бәйгедә катнашырга чакырабыз. Гаризалар 2026 елның 28 нче февраленә кадәр (кертеп) кабул ителә.

Тулырак мәгълүмат - беркетелгән НИГЕЗЛӘМӘдә.