«Тукай квизы» (2024) нәтиҗәләре билгеле, бу турыда Санкт-Петербург шәһәре һәм Ленинград өлкәсе татарлары порталы хәбәр итә.

Викторинада катнашучылар проекттан нык канәгать калганнар. "Мин Казан фәнни үзәге күпфакторлы гуманитар анализ һәм когнитив филология лабораториясе фәнни хезмәткәре (Петербургта яшим, онлайн рәвештә эшлим). «Татарский язык с нуля: самоучитель для начинающих» китабы авторы, үзем дә быел берничә тапкыр Каюм Насыйри институты мәгариф һәм мәдәният үзәгендә татар теле методисты Фирая Рәшитова чакыруы буенча татар теленә укыттым. Кайвакыт вепс теленә дә укытам. Быел чуваш теле үзөйрәткечен язып бетердем. 14 тел белән эшләүче полиглот булам." - дип яза үзе турында квизның җиңүчесе Максим Кузнецов.

Быел викторинада 20 сорау булган. Габдулла Тукай буенча квизлар өчен сораулар авторы - Юлиана Елезарова (татар филологы, КФУ).

«Тукай квизы» җиңүчеләре:

1 нче урын — Максим Кузнецов (СПб)
2 нче урын — Адиба Хазиева (БР)
3 нче урын — Фәридә Гренда (СПб)