14 февральдә Каюм Насыйри музеенда татар мәгърифәтчесе һәм галим-энциклопедистның туган көнендә түгәрәк өстәл узачак һәм күргәзмә ачылачак.

«Бу искиткеч кеше үзен татар халкына, аның мәгърифәтенә багышлады; – ди Каюм Насыйри музее мөдире Кадрия Хәлимова. Ул аны белемле, туган телен һәм тарихын, милли мәдәниятен белүче итеп күрергә теләгән. Әгәр ул булмаса, Татар теле һәм башка гуманитар дисциплиналар, бүген без белгәнчә булмас иде. Без барыбыз да аңа бурычлы».

«Каюм Насыйри: музей киңлегендә мирасны актуальләштерү» түгәрәк өстәле кысаларында Каюм Насыйр эшчәнлеген, аның гуманитар фәннәр үсешенә керткән өлешен тикшерәчәкләр. Төп бурыч галим мирасын саклау һәм популярлаштыру өчен мәдәният һәм фән учреждениеләренең үзара хезмәттәшлегенең максималь нәтиҗәле ысулларын эзләү.

«Мәгърифәт юлында» күргәзмәсендә галимнең кулъязма һәм басма хезмәтләре, Татар бистәсе халкының көндәлек тормышы белән бәйле көнкүреш мәдәнияте предметлары тәкъдим ителәчәк.
Күргәзмәнең зур өлешен XIX гасыр ахыры – XX гасыр башы шамаилләре тәшкил итәчәк, алар татар халкы тормышында үзенчәлекле энциклопедия ролен уйнаган. Аларда изге урыннар һәм мәчетләр, Изге Коръәннән текст-җөмләләр, афоризмнар һәм шигъри әсәрләр фрагментлары сурәтләнгән. Аларның күбесе Казан Дини академиясе профессорлары Иван Покровский һәм Николай Катанов тарафыннан җыелган.

Күргәзмә 20 мартка кадәр дәвам итәчәк, аны музей билетлары һәм Пушкин картасы белән карарга мөмкин.

Белешмә өчен:

Галим-энциклопедист – тарих һәм әдәбият, педагогика һәм медицина, игенчелек һәм ботаника буенча 60тан артык фәнни хезмәт авторы. Аның эшчәнлегендә татарлар өчен вакытлы матбугат ролен үтәгән календарьларны даими бастыру аеруча мөһим. Каюм-бабай календарьларында, татарлар аны хөрмәт белән атаганнар, хуҗалык, бакчачылык һәм терлекчелек алып бару буенча киңәшләр булган. Меңләгән тираж белән чыгарылган, чагыштырмача арзан календарьлар шәһәр кешесенә дә, авыл кешесенә дә ачык булган.