12-14 ноябрьдә ТР Мәгариф һәм фән Министрлыгы Бөтендөнья татар конгрессы Башкарма комитеты белән берлектә Татарстан һәм Россия Федерациясе субъектлары мәгариф оешмаларының туган тел һәм әдәбият укытучылары катнашында Бөтенроссия туган тел форумын үткәрә. Шулай ук чарага мәгариф бүлекләре (идарәләре) башлыклары урынбасарлары, милли мәгариф һәм Россия субъектлары белән хезмәттәшлек итү юнәлешендә куратор булган методистлар, татар телендә белем бирә торган гомуми белем бирү оешмалары директорлары, милли-мәдәни автономияләр, Россия субъектларындагы Татарстан Республикасы вәкиллекләре, 800 кешене колачлый торган Бөтендөнья татар конгрессы бүлекчәләре вәкилләре чакырулы.

Форумда катнашучылар өчен күргәзмәләр, Казан буенча экскурсияләр, Арча районы һәм Казан шәһәре мәгариф оешмаларына бару, мастер-класслар, педагогик остаханәләр үткәрү, секция утырышлары кысаларында тәҗрибә уртаклашу оештырылачак.