Быел Татарстанда 16 мең укучы Бердәм дәүләт имтиханын (БДИ) тапшыра. Татарстан Мәгариф һәм фән министрлыгы башлыгы урынбасары Рәмис Мөҗипов әлеге форматның укучылар өчен уңай якларын әйтте.

«Беренчесе, мәктәпне тәмамлаганда һәм югары уку йортына кергәндә ике имтихан тапшырырга кирәкми. Икенчедән, элек югары уку йортына керү кайбер факторларга бәйле иде, мисал өчен, ерак торак пунктларда, авылларда, кечкенә шәһәрләрдә яшәүчеләргә килеп йөрергә кирәк булды, - дип искәртте ул.

Аның сүзләренчә, Бердәм дәүләт имтиханы - укучыларның белемнәрен бәяләүнең иң яхшы системаларының берсе, өстәвенә, ул ел саен камилләшә.