2008 елда БДИ формасында имтихан тапшырганда канәгатьләнмәслек билгесе ала калсаң, балл бары тик мәҗбүри фәннәрдән генә күтәреләчәк. Бу турыда Россия Федерациясе субъектларының мәгариф җитәкчеләре җыелышында Бөтенроссия Рособрнадзор рәисе Виктор Болотов хәбәр итте. Ә сайлап алынган фәннән имтихан нәтиҗәләренә автомат рәвештә балл куелмаячак. Икелене исә, гадәти имтихан формасында киләсе елның көзендә генә төзәтергә мөмкин булачак.

Моннан тыш, гуманитар классларның чыгарылыш сыйныф укучыларына математикадан билге куелучы шкала түбәнәйтеләчәк. Киләчәктә, төп һәм профильле дәрәҗәдә имтихан тапшырыр өчен контроль-үлчәгеч материаллар эшләнергә мөмкин.

Исегезгә төшерәбез, 2009 елдан бердәм дәүләт имтиханын тапшыру унберенче сыйныфны тәмамлаучылар өчен мәҗбүри булачак. Быел исә, Россия Федерациясенең 2/3 субъекты имтиханнарны БДИ формасында кабул итәчәк. 70% тан артык регионнарда 9 нчы сыйныф укучылары чыгарылыш имтиханы тапшырачаклар.