«Россия Тимер Юллары» җәмгыятенең директорлар советы студент һәм мәктәп укучыларына каралган ташламаларның үз көчендә калуын белдерде. Сүз шәһәр яны һәм ерак юлда йөрүче поездлар турында бара. Ташламалар уку елы азагына кадәр дәвам итәчәк. Мәктәп укучылары 50 процентлы ташламага 1нче гыйнвардан алып 15нче майга кадәр, ә көндезге формада белем алучы студентлар 1нче гыйнвардан 15нче июньгә кадәр ия.

Билгеле булганча, әлеге категория гражданнарына норматив документлар белән бернинди дә ташмалар каралмаган. Шуңа күрә тимер юл компанияләре теге яки бу күләмдәге ташламаны үз кеременә карап кына куя ала.

Ташламалар шул ук калды, ләкин тимер юл траспортына билет бәясе күтәреләчәк икән. Бу үзгәреш укучыларга да кагыла.

Чыганак: www.5ballov.ru