Коточкыч фажига - Воронежда физкультура дәресендә укучы бала һәлак була. Атна башында, дүшәмбе көнне, шәһәрнең 1нче гимназиясендә 8нче сыйныф укучысы аңын югалта. Малайның әнисе сүзләренә караганда, баланың моңарчы да сәламәтлеге белән проблемалар булган (умыртка сөяге белән бәйле, баш мие сосуды өзелү). Сәламәт булмаган бала ни өчен бүтәннәр белән беррәттән физик күнегүләр алган? Хәзерге вакытта тикшерү эше бара.

Россия уку йотларында бу беренче генә үлем түгел. Гадәтта фаҗигагә кискен физик яисә акыл көчәнеше сәбәп була. Мисал өчен, бездә ел саен кинәт йөрәге тибүдән туктап, физкультура дәресләрендә 6-12 бала һәлак була икән.
Мисаллар күп. Январь аенда Уфада чаңгы кроссы үткәндә 9нчы сыйныф укучысы якты дөньядан китә. Бер ел элек Липецкта 12 яшьлек Кристина Проваторова үлә. Сәбәбе - көчле тренировкалар, мәктәп тирәли ике әйләнә йөгерү кыз йөрәге өчен үтәлмаслык киртә була.

2006 елның октябрендә шундый ук аяныч хәл Саратовның “Динамо” стадионында була. Биредә Саратов дәүләт аграр университеты студенты тәкъдим ителгән дистанцияне инде үтәгәч үлеп китә. Шул ук елны бер айга иртәрәк Липецк дәүләт техник университетында 100 метр йөгерүне тапшырганда йөрәге туктап 19 яшьлек Александр Кочетов та һәлак була.

Бу исемлекне бик озак дәвам итеп булыр иде. Физкультура дәресе үсеп килүче буынны сәламәт итү өчен. Ләкин үз фазыйфасын ул үтиме? Физик күнегүләр балага зыян сала, иң куркынычы аны үтерә икән, нишләргә?

Чыганак: www.5ballov.ru