Экология мәсьәләләренә битараф булмаучылар “Яшьләр карашында яшел технологияләр” бөтенроссия конкурсында катнашырга чакырыла. Анда катнашу өчен 2016 елның 15 маена кадәр (!) яшел технологияләр кулланыла торган җитештерү, экологик күзәтчелек буенча үз алымнарың турында фотоматериаллар, видео һәм слайдлар кулланып эшләнгән мәкаләләр, индустрия предприятиеләренең рәсми затлары белән кызыклы интервьюлар җибәрергә кирәк. Конкурста урта һәм һөнәри уку йортларында укучылар, югары уку йортлары студентлары катнаша ала.

Конкурс ел саен ике этапта үткәрелә. Беренче этап “Экологик мониторинг призмасы аша экологик технологияләр”, “Яшел технологияләр турында басма һәм видео-материаллар” дигән номинацияләр буенча үткәрелә. Эшләрне рецензияләү йомгаклары буенча жюри азаккы, турыдан-туры катнашлы этапта катнашучыларны билгели, һәм аларга электрон почта аша чакырулар җибәрә. Белешмәләр шулай ук 10-30 июньдә www.greenplaneta.ru сайтына урнаштырыла. Турыдан-туры катнашлы икенче этап октябрь азагында Мәскәүдә үткәрелә, анда катнашучылар үз эшләрен презентация материаллары белән яклыйлар, сорауларга җаваплар бирәләр, бәхәсләрдә һәм башка программа чараларында катнашалар. Конкурсны яшьләрдә үзләре яшәгән төбәк тормышына һәм аның үсешенә җитди йогынты ясаучы заманча җитештерүләр белән кызыксыну уяту максатыннан балаларның бөтенроссия “Яшел планета” экологик хәрәкәте үткәрә.

Тулырак белешмәләр: http://greenplaneta.ru/node/3866.