Татар мәгарифе порталы
Сез монда
Казанда 14-28 май көннәрендә Рудольф Нуриев исемендәге XXVII Халыкара классик балет фестивале узачак. Классика һәм заманча әсәрләрне үз эченә алган мәдәни чара елдагыча Муса Җәлил исемендәге опера һәм балет театры сәхнәсенә танылган исемнәр, яңа талантларны җыя.
Фестиваль кичәләренең күпчелеге классик мирасыбызны тәшкил иткән балетларга багышланачак. Опера һәм балет театрының матбугат хезмәтеннән алынган мәгълүматларга караганда, фестиваль "Carmina Burana или Колесо Фортуны" премьерасы белән башланып китәчәк. Балетмейстер Александр Полубенцев (Санкт-Петербург) әлеге әсәрне Казанның театр тормышында зур вакыйгага булачак, дип ышандыра.
Фестивальдә XIX гасыр хореография шедеврлары - “Жизель” (төп партиядә Светлана Захарова), “Баядерка”, “Дон Кихот”, “Лебединое озеро” күрсәтеләчәк. Барлык спектакльләрдә төп партияләрне Россия һәм Европадан чакырылган биючеләр һәм солистлар башкарачак.
Фестиваль программасының заманча юнәлешен Германиянең танылган Дортмунд-балет труппасы дәвам итәчәк. Әлеге коллектив дөньякүләм танылу алган һәм алар белән мөхтәрәм хореографлар Уильям Форсайт, Александр Экман, Дуглас Ли һ.б. эшли. Дортмунд-балеты Казанда ике спектакль: "Сказки Венского леса" (И.Штраус, А.Берг музыкасы, Син Пэн Ванг хореографиясе) һәм "Триптих" ("The Vertiginous Thrill of Exactitude" бер актлы балет, У.Форсайт хореографиясе, "Cacti" А.Экман хореографиясе һәм "PianoPieces" Д.Ли хореографиясе) тәкъдим итәчәк.
Оештыручылар хәбәр иткәнчә, фестиваль афишасында Георгий Ковтун сәхнәләштергән “Алтын Урда”, "Спартак" балетлары да урын ала. Форум ике гала-концерт белән тәмамланачак. Концертта Франция, Япония, Германия, Швейцария, Куба һ.б. илләрдән килгән бию осталары е чыгыш ясар дип көтелә.
Чыганак: http://intertat.ru/tt