Тема: Кушу һәм алуны язып исәпләү алымнарын ныгыту.

Максат:

1. Кушу һәм алуның язып исәпләү алымнарын ныгыту;

2. Исәпләү күнекмәләрен, фикерләү тизлеген, балаларның игътибарын, танып-белү активлыгын, логик фикерләвен, хәтердә калдыру сәләтен үстерү;

3. Төрле уен формалары кулланып белемгә омтылыш, мөстәкыйльлек тәрбияләү;

Җиһазлау: Дәреслек, ноутбук, экран, индивидуаль биремнәр белән карточкалар, тест.

Тип: Ныгыту дәресе.

Дәрес барышы.

1. Оештыру. (Слайд) 1. Математика.

- Исәнмесез, укучылар! Безгә бүген кунаклар килде. Әйдәгез, алар белән дә исәнләшеп алыйк.

- Исәнмесез!

- Кәефләрегез ничек, укучылар?

- Яхшы.

- Хәзер бер-беребезгә карап елмаешып алыйк та, һәркайсыбызга уңышлар теләп, математика дәресебезне башлап җибәрик.

2. Укучыларның белемнәрен актуальләштерү. Телдән исәпләү. (Слайд 2)

 Иң элек “Әйләнмәле мисаллар” эшләп алыйк.