Луиза апа Казаныбызның 3 нче музыка мәктәбендә укыган. Кечерәк чакта ул күбрәк әтисе уйнаганны тыңларга яраткан. Миңлегали абый бигрәк тә “Шахта” көен, “Авыл көйләрен”, “Зәңгәр күз” җырын яратып башкарган.

5 нче сыйныфта укыганда Луиза апа атаклы музыкант, композитор Юрий Виноградов белән таныша һәм аның классында укый башлый. Аның музыка яратуы көчәя һәм музыка язуга сәләте барлыгы күренә. Ул иҗат иткән көйләр балалар өчен җырларга да, биергә дә бик уңайлы.