“Геометрик лото” уены.

Балаларга геометрик фигуралар таратыла. Алар ике төрле зурлыкта һәм төрле төстә.

- Бабай белән әбинең оныгы елга буена барган һәм анда төрле төстәге, төрле зурлыктагы ташлар тапкан. Алар сезгә ошыйлармы?

- Хәзер миңа зур кызыл квадратны күрсәтегез әле, кечкенә кызыл түгәрәкне, ә хәзер яшел өчпочмакны күрсәтегез. (Балалар табып күрсәтәләр).

- Хәзер саныйбыз. Ничә өчпочмак (1), ничә квадрат (2), ничә түгәрәк (2)?

- Барысы күпме?

- Барлыгы – 5.

- Азамат, 5 ташны нинди цифр белән күрсәтеп була?

- 5 ле белән. (Азамат 5ле цифрын янәшә куя).

- Болар нәрсәләр? (Тәрбияче бер үк зурлыктагы өчпочмак һәм квадрат күрсәтә).

- Балалар, бу фигуралар бер-берсеннән нәрсә белән аерылалар?

- Формалары, төсләре белән.

- Ә зурлыклары белән ?

- Зурлыклары бер төсле.

- Ә менә бу фигуралар нәрсә белән аерылалар? (Тәрбияче берсе кечкенә, икенчесе зур түгәрәкләр күрсәтә).

- Зурлыклары белән: берсе зур, икенчесе кечкенә.

- Охшаш якларын әйтегез.

- Икесе дә кызыл төстә, икесе дә түгәрәк.