Татар мәгарифе порталы
2009 нчы елда Татарстанның барлык мәктәпләрен дә “Linux" системасы базасында ирекле программа белән тәэмин итү планлаштырыла. Бу турыда “Татар-информ”ның хәбәрчесенә Татарстан Республикасы Мәгариф һәм фән министрлыгының мәгълүмати сәясәт департаменты җитәкчесе Надежда Сулимова белдергән.
Надежда Сулимованың сөйләвенә караганда, Татарстан, Томск өлкәсе һәм Пермь ягы мәктәпләрендә Россиянең ирекле программа белән тәэмин итүдә сынап карау проектын гамәлгә ашырачаклар. Әгәр сынау уңышлы узса, ирекле софт башка бюджет учреждениеләрендә дә барлыкка киләчәк.
Н.Сулимованың әйтүенчә, быел яңа софтны Татарстанның 600 мәктәбендә урнаштырачаклар. “Linux" ның 2 төрле дистрибутив пакеты Татарстанның 13 шәһәр мәктәбендә һәм Казанның 7 уку йортында урнаштырылачак. “Агымдагы елның апрель урталарына кадәр әлеге 2 дистрибутив сынау мәктәпләрдә апробация үтәргә тиеш. Педагоглар һәм укучылар үзләренең тәкъдимнәрен эшләүчеләргә әйтергә тиешләр. Бу үз чиратында, алынган кисәтүләрдән илдәге мәктәпләрдә продуктның нинди программа белән куелачагын ачыклаячак” – ди ул.
Шулай ук, Сулимова Татарстанда 25 мәктәп методик үзәге төзелүен әйтеп китте. “Linux" операцион системасы базасында укытучыларны программа продуктларын куллану буенча укытулар уздырачаклар.
Программа белән тәэмин итүнең базалы пакетына түбәндәге программа әйберләре: операцион система, архиватор, офис кушымталары кертелгән пакет, антивирус программалары, төзү чаралары, график редактор һ.б. кергән.
Проектка Федераль яктан ярдәм өч елга исәпләнгән. Әлеге максатлар өчен бюджеттан якынча 2,6 млрд. сум акча бүленгән.
«Татар-информ»