Дин нигезләре укытылачак регионнар билгеле булды. Карарга премьер Владимир Путин имзасы 29 нчы октябрьдә үк куелган була. Ләкин документ Россия министрлар кабинеты рәсми сайтында әле чагыштырмача яңа гына урнаштырылды.

Әлеге карар нигезендә “Дини мәдәниятләр нигезләре һәм җәмгыяви этика” исемле яңа уку дисциплинасы Россия Федерациясенең 19 субъектында апробация узачак. Әлеге эксперемент 2010 елның апрель аенда гомуми белем бирү оешмаларының 4 нче сыйныфларында старт алачак, дип планлаштырыла.

Регионнарны сайлаганда Россиянең конфессиональ төрлелеген исәпкә алырга тырышканнар, күрәсең. Әйтик, исемлектә күпчелек халкы ислам динен тоткан Чечен һәм Карачай-Чиркәс республикалары, буддизм колач җәйгән Калмыкия, шулай ук Еврей автономия өлкәсе бар. Дин дәресләре Удмуртия, Чувашия республикаларында, Камчаткада, Красноярск һәм Ставрополь краенда, шулай ук Вологода, Калининград, Кострома, Курган, Новосибирск, Пенза, Свердловск, Тамбов, Тверь һәм Томь өлкәләрендә укытылачак.