Татар мәгарифе порталы
23 Март, 2009 - 09:45
2010 елда тапшырылачак Бердәм дәүләт имтиханнарын билгеләүче норматив документлар 1нче октябрьгә әзер булачак. Бу турыда күптән түгел узган Мәгариф идарәләренең региональ җитәкчеләре бөтенроссия киңәшмәсендә Россия Федерациясенең Мәгариф һәм фән министры Андрей Фурсенко хәбәр итте.
Министр сүзләренә караганда бу эшне аңа Россия Президенты Дмитрий Медведев йөкли.
“Киләсе елда тапшырылачак БДИ кагыйдәләре төзелеп бетеп, 1нче октябрьдән соңга калмыйча бастырылырга тиеш. Һәм бу эшне без һичшиксез үтәячәкбез”, — диде министр.
Әлеге норматив документлар мәктәпләргә дә, югары уку йортларына да кагылачак. Өстәвенә, министр укытучыларны һәм региондагы мәгариф органнары җитәкчеләрен БДИга карата хәлне куертмаска өндәде.
“Бүген кызлар-егетләр имтиханнар тапшырырга әзерләнә, укытучылар аларны укыту белән мәшгуль, югары уку йортлары исә абитуриентларны кабул итәргә әзерләнә. Мондый ситуациядә мәктәп укучыларын БДИны бетерерләр, үзгәртерләр кебек ялган мәгълүмат белән тарткаламаска иде”, — дип ассызыклады министр.
Фурсенко сүзләренә караганда, 2009 елда тапшырылачак БДИ нормалары кабул ителгән һәм алар үзгәртелмәячәк.
Чыганак: www.5ballov.ru