Бүген, 30 октябрьдә, Казанда "Татарстан Республикасында Идел буе халыкларының туган телләрен өйрәнү һәм укыту" конференциясе уза. Әлеге конференциягә Татарстан Республикасыннан гына түгел, ә Россиянең кайбер төбәкләреннән туган тел укытучылары һәм белгечләр җыелды. 

Чарада Татарстан Республикасы Мәгариф һәм фән министры урынбасары Минзәлия Заһри кызы Закирова, Татарстан Республикасы Рәисе Департаментының Милли сәясәтне гамәлгә ашыру идарәсе башлыгы Данил Мәхмүт улы Мостафин, Татарстан Республикасы Дәүләт Советы депутаты, Татарстан халыклары ассамблеясы Советының Башкарма комитеты җитәкчесе Ренат Нәкыйф улы Вәлиуллин, Татарстан Республикасы Мәгарифне үстерү институтының укыту-методик эшләр буенча проректоры Равил Габделхак улы Хәмитов катнашуы да көтелә.

Конференциядә милли сәясәтнең һәм белем бирүнең инновацион формалары, полимәдәни белем бирү мохитендә педагогларның һөнәри компетенцияләрен күтәрү мәсьәләләре, туган телгә өйрәтүдә укыту-методик тәэминат һ.б. турында фикер алышырга исәплиләр.

Чара Казанда яңа ачылган Укытучы йортында үтә.