Россия Федерациясе Президенты Дмитрий Медведев «Төньяк-Көнбатыш, Идел буе, Урал һәм Ерак көнчыгыш федераль округларында федераль университетлар булдыру турында”гы Боерыкка (http://www.kremlin.ru/acts/5793) кул куйды.

Бу ни дигән сүз? 3 ай эчендә Идел буе федераль округында югары һөнәри белем бирүче В.И.Ульянова-Ленин исемендәге Казан дәүләт университеты дәүләт мәгариф оешмасы базасында Идел буе федераль университеты булдырылырга тиеш.

Алдагы алты ай дәвамында яңа университетның үсеш программасы расланачак; Идел буе федераль университетына дәүләт карамагындагы башка югары уку йортлары, башкарма хакимият федераль органнары кул астында эшләүче фәнни оешмалар, дәүләт фәннәр академияләре һәм аларның регионнардагы бүлекләре кушылачак.