2004-2013 нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын тормышка ашыру, сәләтле балаларны табу һәм аларга ярдәм итү, укучыларда эзләнү-тикшеренү эшчәнлеге күнекмәләрен үстерү максатыннан, 2010 елның 26 нчы февралендә Әтнә районының Ш.Мәрҗәни исемендәге Комыргуҗа урта мәктәбе базасында Шиһабетдин Мәрҗәни исемендәге фәнни-гамәли конференция узачак.

Конференциядә 8-11 нче сыйныф укучылары катнашырга тиеш. Чараның узу тәртибе һәм шартлары белән беркетелгән файлда танышырга мөмкин.