РФ Мәгариф министрлыгы Россиядә чирек буенча эшли торган мәктәпләр өчен каникуллар буенча тәкъдимнәрне раслады.

Көзге каникулларны – 25 октябрьдән 2 ноябрьгә кадәр, кышын – 31 декабрьдән 11 гыйнварга кадәр, язгы каникулларны – 28 марттан 5 апрельгә кадәр, ә җәйге каникулларны 27 майдан 31 августка кадәр планлаштырырга киңәш ителә.

Ведомство башлыгы Сергей Кравцов шулай ук уку елының агымдагы елның 1 сентябреннән киләсе елның 26 маена кадәр дәвам итәчәген искәртте. Каникуллар вакыты җиде көннән дә ким булмаска тиеш, диде министр.