 |  |  |  |  | ||||
| яңалыклар | китапханә | канун | каталог | эш эзләү |
belem.ru
Татар телендә Интернет-белем үзәге
|
|
|
|
|
Керү өчен теркәлегез
|
Барлык яңалыклар  2 сентябрь, 2010 - 20:56
1 сентябрь көнне Казан (Идел буе) федераль университеты яңа статуста тәүге тапкыр үзенең 206-нчы уку елын тантаналы җыелыш белән каршылады. Бәйрәм иртәгесе сәгать тугызда беренче курс студентларының факультетлап сафларга төзелешеп Салих Сәйдәшевның «Совет Армиясе маршы» көенә А.М. Бутлеров исемендәге Химия фәнни-тикшеренү институты бинасыннан кузгалып китеп, Төп бина каршындагы студентлар арасында «Таба» дигән исем астында таныш булган мәйданчыкка таба тантаналы узыш белән башланып китте. Яңа студентлар алдында университетның «Шторм» һәм «Тылсым» хореографик төркемнәре, «Dance Lunch» бию коллективы, Тимер Шәрифуллин «Калликория» бию коллективы белән берлектә «Салават күпере сыман» дип исемле композицияләре белән чыгыш ясадылар. Иҗади чыгышлардан соң бәйрәм җыелышы К(И)ФУ ректоры Илшар Гафуров, университет президенты Мәгъзүм Сәлахов, проректорлар һәм деканнар катнашында дәвам итте. Һәр елдагыча «Гаудеамус» студентлар гимны көенә Казан университеты байрагы тантаналы төстә күтәрелде. ...  2 сентябрь, 2010 - 19:04
Кадерле дуслар! Барлык укучыларны, ата-аналарны, укытучыларны һәм тәрбиячеләрне, мәгариф системасында эшләүче барлык хезмәткәрләрне Белем көне һәм яңа уку елы башлану белән ихлас күңелдән тәбрик итәм! Беренче сентябрь - халык бәйрәме, һәм ул һәрберебез өчен якын һәм кадерле. Яңа уку елына бөтен республикада һәм һәр гаиләдә әзерлек бара. Яңа мәктәпләр ачыла, гамәлдәге уку йортлары яңартыла, төзекләндерелә. Республикада «Мәктәпкә җыенырга ярдәм ит!» дигән хәйрия акциясенең колачы көннән-көн киңәя бара. Белем көне - мәктәп бусагасын беренче тапкыр атлап керүче балалар өчен дә, һөнәри белем алуга керешүче яшүсмерләр өчен дә дулкынландыргыч вакыйга. Аларның укулары нәтиҗәле, яңа ачышларга бай булсын, күңелләренә белем нуры иңсен дип телик. Республика мәктәпләрендә һәм һөнәри белем учреждениеләрендә быел 650 меңгә якын укучы һәм студент укый башлаячак. ...  1 сентябрь, 2010 - 22:30
Бүген Татарстан Республикасының барлык уку йортларында да Белем көне билгеләнеп үтте. Татарстанда беренче сыйныфка 37 356 бала баруы турында хәбәр иткән идек инде. Узган елда беренчеләрнең саны 37 421 булган. Яңалыкларга килгәндә... Аларның барысын да язып бетерү мөмкин түгел. ...  1 сентябрь, 2010 - 16:56
30 нчы август - Татарстан Республикасы көнендә Казанның Ирек мәйданында милли мәгарифне яклап пикет узды. Демонстрантлар үзләре алай ук күп булмаса да (10-15 кеше), алар кулындагы плакатлардагы сүзләр бик тирән һәм эчтәлекле иде. Аларның күршесендә генә - Татар конгрессының Башкарма комитеты бинасында бу вакытта татар яшьләре җыелып милли мәгариф турында фикер алыштылар. Әлеге мастер-классларга чакырылган кунак - юридик фәннәр кандидаты, юстиция киңәшчесе Пантелеев Борис Николаевич. Борис Николаевич тумышы белән Казанныкы, үз вакытында кызыл диплом белән Казан дәүләт университетының юридик факультетын тәмамлаган. ...  1 сентябрь, 2010 - 12:49
Укытучым! Әлеге сүзне ишеткән һәркемнең күз алдына аның яраткан укытучылары килеп баса. Сез хәзер кайда? Тагын кемнәрне игелеккә өйрәтәсез, кемнәргә белем һәм тәрбия бирәсез? Мине онытмадыгызмы? Мин Сезне онытмадым. ...  1 сентябрь, 2010 - 00:00
1 сентябрь... Әлеге көннең нинди көн икәнен сораштыру кирәкми. Бу көннең Белем көне икәнен, яңа уку елы башлануын олысы да, кечесе дә белә. 1 сентябрь... Бүген яңа уку елы башлануы турында хәбәр итеп көмеш кыңгырау чыңлар. Кемнәрдер бу кыңгырау тавышын әле беренчесен ишетерләр, кемнәрдер кулларына чәчәкләр тотып басып торган үз нарасыйларының шат йөзләренә карап дулкынланыр, кемнәрнеңдер күзләренә яшьләр килер. 1 сентябрь... Уку йортларының парта-өстәлләре бүгеннән алып тагын китап-дәфтәрләр белән тулыр, мәктәп кабинетлары һәм вуз аудиторияләре диварлары укытучыларның һәм укучыларның шат авазларын яңгыратыр. 1 сентябрь... Укытучы елының 1 сентябре. Күпме генә сөйләсәләр дә, ноутбуклар өләшсәләр дә, яңа кәгазьләр дөньясына батырсалар да, Белем көне Белем көне булып кала. ...  29 август, 2010 - 21:49
Быел әлеге форум (җыен) Җир шарының төрле төбәкләреннән 500 дән артык татар яшьләрен җыя алды. Шундый характерда җыеннарда елдан-ел татар яшьләре саны арта гына бара, интернеттагы социаль челтәрләрдә исә аларның саны дистә меңнәр белән исәпләнә. Форум эшендә республикабызның җитәкчеләре, дәүләт эшлеклеләре, сәясәтчеләр, мәгариф хезмәткәрләре, һәм, гомумән, татар халкының язмышы белән кызыксынган төрле профессия белгечләре катнаштылар. Форумга кунаклар җомга көнне үк агыла башлады. Килгән кунакларны шунда ук кунакханәләргә урнаштырдылар, кичкә таба Казан шәһәре, аның тарихи урыннары белән таныштырдылар, Кремль буенча экскурсия үткәрделәр. ...  29 август, 2010 - 19:39
Белем.ру порталы уку елы алдыннан кулланучылары белән тагын да якынаерга булды. Элек, теркәлми генә нинди дә булса фикер калдырганда, модераторның әлеге фикер белән танышып аны порталда бастырып чыгуын сәгатьләр буе көтәргә кирәк иде. Хәзер исә CAPTCHA механизмы ярдәмендә (гади математик мисалны чишеп - әлеге чара спам-роботлардан саклый) фикерне шунда ук бастырырга мөмкин. Әлеге мөмкинлектән файдаланып порталыбызда ешрак аралашуыгызны, яңалыклар һәм ресурслар турында һәрвакытта да үз фикерегезне хәбәр итүегезне көтеп калабыз. ...  29 август, 2010 - 18:52
Белем.ру порталы яңа уку елы башында үз кулланучыларына яңа бүләк әзерләде. Хәзер кулланучыларның порталда яңалыклар, ресурслар, фотогалереялар һ.б. мәгълүматтан тыш видеоматериаллар карарга да мөмкинлекләре бар. Әлеге моментта кулланучылар 2 видеоматериал белән таныша алалар. ...
|
Реклама
Изберете гражданска отговорност цени евтино
|
© 2007-2010 "Белем.ру" җаваплылыгы чикләнгән җәмгыяте
Татарстан Республикасы Мәгариф һәм фән министрлыгының Милли мәгариф һәм регионара хезмәттәшлек бүлеге күзәтүе астында эшли
Әлеге проект 2004-2013 нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын үтәү максатында ясалды
Татарстан Республикасы Мәгариф һәм фән министрлыгының Милли мәгариф һәм регионара хезмәттәшлек бүлеге күзәтүе астында эшли
Әлеге проект 2004-2013 нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын үтәү максатында ясалды