Белем.ру татар мәгарифе порталы: татарча конкурслар, ресурслар, яңалыклар, блоглар, фикерләр

<Белем.ру - татар мәгарифе порталы

Татар мәгарифе порталы

  • rss - belem.ru
  • twitter belem.ru
  • facebook belem.ru
  • ВКонтакте belem.ru
  • instagram belem.ru
belem.ru
  • проект
    • "Белем.ру" оешмасы
    • Безнең проектлар
    • "Белем.ру" порталы
    • Порталда реклама
    • Түләүләр башкару
    • Сорау-җавап (FAQ)
  • яңалыклар
    • Татарстан
    • Россия
    • Дөньякүләм
    • Булмас димә!
    • Игъланнар
  • ресурслар
    • Ресурслар каталогы
    • Әдипләрнең сайтлары
    • Видео
    • Аудио
    • Заказлар/ресурслар кабул итү
  • конкурслар
    • #ФӘНДЕМИЯ
    • "Белем җәүһәрләре"
    • "Әдәби җәүһәрләр"
    • "Яшь татнетчылар"
    • "Айның иң яхшы ресурсы"
  • белем+
    • Әдипләр
    • Татар теле һәм әдәбияты
    • Гарәп-фарсы алынмалары сүзлеге
    • Алгебра
  • укытучы+
    • Репетиторлар
    • Блоглар

Сез монда

Баш бит » Блоглар » Cirque du Soleil, ягъни Кояш циркының Казандагы гастрольләре башланды
Гөлназ Талипова
24 фев 2014 - 13:35

Cirque du Soleil, ягъни Кояш циркының Казандагы гастрольләре башланды

Яңалык
Казан

Cirque du Soleil, ягъни Кояш циркы һәр чыгышы тамашачыны кабатланмас образлары, үзенчәлекле костюмнартөрлелеге һәм мавыктыргыч уеннары белән җәлеп итә. Бу юлы да ул Казан халкын һәм башкала кунакларын шоу-тамашасы белән таң калдырды.

1984 елда 20 урам артистыннан барлыкка килгән циркта хәзерге вакытта дөньяның 50 иленннән 1300ләп артист эшли. Казан шоусында Cirque du Soleilның 50 артисты чыгыш ясады.

“Dralion” - стиль һәм жанрларны, образ һәм стильләрне, төсләрне, легендаларны берләштергән тамаша. Аның һәр чыгышында этник мотивлар бар. Әйтик, шоу барышында яңгыраган музыка Андалусия, Африка, Үзәк Европа һәм Шәрык көйләре йогынтысында иҗат ителгән.

Шоуның төп персонажлары – Азала, Гайя, Океана, Яо. Алар һава, җир, су һәм ут стихияләренең илаһи зат кыяфәтендәге гәүдәләнеше. Образлардан Азала – һаваның чисталыгын күрсәткән сыек зәңгәр, Гайия – мул җирне гәүдәләндергән алтын-сары, Океана – суга хас үтәкүренмәле яшькелт һәм Яо – ут кебек кызыл костюмнарда. Сәхнәгә алар томан эченнән – серле һәм күзаллап булмаслык дөньядан килеп чыгып, сүзсез генә яшәеш кануннарын сөйли, биюләре белән бәян итә. “Dralion”дагы җырлар исә Кояш циркының уйлап табылган үз телендә башкарыла. Рух Көчен гәүдәләндерүче җырчы гүзәл затлар югарыда әйтелгән дүрт стихиянең абсолют гармониясен символлаштыра.

Тамашада, шулай ук, Бәләкәй Будда һәм чалыштырылган боҗралар эчендә яшәүче Кала да катнаша. Бәләкәй Будда – сайлап алынган бала. Ләкин аның кабатланмас сәләтләре һәм таланты югары көчкә, рух көченә ия булуда ярдәм итүенә карамастан, Бәләкәй Будда төшләрендә гап-гади бала булырга хыяллана. Кала исә боҗраның йөрәгендә яши, ә боҗра – вакыт һәм чиксез цикл символы. Боҗраны әйләндереп җибәреп, Кала вакыт агышын җайга сала – бу мәңгелек яшәеш-тормыш агышы...

Бәләкәй Будда ролен чыгышы белән Россиядән булган артист – Марина Воробьева уйный. Чалыштырылган боҗрада төрле акробатик номерлар эшләүче Кала – канадалы Джонатан Морин. Чыгыш ясый торган җайланмасын да, акробатик номерларын да ул үзе уйлап тапкан.

Тамаша азиатлар храмын хәтерләткән бина фонында барды. “Батутта сикерү” номерын башкаручы 4 артист әле аның диварларына тотынып, махсус киштәләргә басып калды, әле сикергән шәпкә өскә үрмәләде. Моннан тыш, батутта чыгыш ясаучылар шактый катлаулы акробатик номерлар башкарды.

Яктырту җиһазлары һәм декорацияләре белән бизәлгән бу “храм”ның авырлыгы 11 тоннадан артык. Ул 18 метр киңлектә һәм 8 метр биеклектә.

Тамашада халыкның кәефен клоуннар чыгышы күтәреп торды. Алар тамашачы янына төшеп, үзенә “ярдәмче” эзләде һәм уеннарында бөтереп алып кереп китте, күңелләрне җилкендереп алды.

Циркның иң үзенчәлекле өлеше – сәхнәгә “дралионнар” чыгу булды. Барлыгы 5 шундый “җанвар” сәхнәдә төрле күренешләр тудырды. Әйтик, 5нче “дралион” югарыда телгә алынган “храм” балконыннан “егылып төште”, берничә минут дәвамында алар барысы бергә сәхнәдә “алгы аякларын” күтәреп һәм башларын селкеп мавыктыргыч чыгыш ясады, хәер, моны сөйләп тә булмый – үзең барып күрү кирәк. “Дралион” костюмының авырлыгы 18 килодан артык. Аны берьюлы ике артист кия. Бер җанварны чагылдыру өчен 30 костюм элементы кулланыла.

Тамашачы күңеленә сикергечтән (скакалка) сикерүчеләрнең номеры да хуш килде. Бер-берсенең өстенә басып, бер төркем артист хасил иткән гаять зур “пирамида” сикергечне ике тапкыр сикереп чыкты.

Тамашада елан киемен хәтерләткән костюмдагы жонглер чыгышын, тагын әллә ниләр күзәтү мөмкинлеге булды.

Һәр чыгыш саен “Татнефть-Арена” боз сарае көчле алкышларга күмелде. Артистлар биргән уңай энергияне тамашачылар кул чабулар һәм сызгырулар белән, әйтерсең, арттырып кире кайтарды.

Цирк Казанда 1 мартка кадәр чыгыш ясаячак. Россиягә булган гастрольләрен артистлар Мәскәүдә төгәлләргә планлаштыра. Мәскәү тамашасы исә шоуны 6нчы марттан карый алачак.

Чыганак: http://tat.tatar-inform.ru

 
  • Уртаклашырга
  • Фикер калдыру өчен теркәлеп керегез.
  • Караулар саны: 915
  • БастыруБастыру

Белем.ру IT-компаниясе

Татнетны үстерү фондына ярдәм итү

Туган илем – Татарстан
Айның иң яхшы ресурсы (гыйнвар, 2016) ресурслар
Туган илем – Татарстан (әдәби уку: 5 нче сыйныф)
Вафин Фәрит Вәдүт улы
Айның иң яхшы ресурсы

Реклама на портале Белем.ру

- онлайн-кибет, хостинг;
- оптимизация;
- лояльлек системасы (компанияләр өчен);
- яхшы хостинг;
- балалар өчен чит телләр үзәге;
- пластик хирургия;
- агачтан йорт, мунча яисә коттедж;
- тур һәм экскурсияләр.

Татар әдәбияты дәресләренә фонохрестоматия (5-11 сыйныфлар) - 4 нче диск
10 384 0 Аудио
"АКСУ" интернет-телевидениесенең Белем ТВ каналы - "Тел вә милләт"
"АКСУ" интернет-телевидениесенең Белем ТВ каналы - "Тел вә милләт"
"Тел вә милләт" тапшыруы. Халыкара Ана теле көне уңаеннан Рабит Батулла белән фикер алышу
21 513 0 видео

Блоглар

Лилия Гәрәева сурәте
4 нче сыйныф "Кышкы уен"
Лилия 12.01.2021
Лилия Гәрәева сурәте
Шәүкәт Галиев "Онытылган" шигыре
Лилия 12.11.2020
Лилия Гәрәева сурәте
Татар телен өйрәтү шөгыльләрендә куллану өчен презентацион...
Лилия 24.08.2020

Фикерләр

Зилина Хуснуллина сурәте
" Туган җир"
Зилина Хуснуллина 15.01.2021 - 09:03
Зилина Хуснуллина сурәте
" Туган җир"
Зилина Хуснуллина 14.01.2021 - 13:56
5f сурәте
Матурлык
5f 13.09.2020 - 12:18
  • проект
    • "Белем.ру" оешмасы
    • Безнең проектлар
    • "Белем.ру" порталы
    • Порталда реклама
    • Түләүләр башкару
    • Сорау-җавап (FAQ)
  • ресурслар
    • Ресурслар каталогы
    • Әдипләрнең сайтлары
    • Видео
    • Аудио
    • Заказлар/ресурслар кабул итү
  • конкурслар
    • #ФӘНДЕМИЯ
    • "Белем җәүһәрләре"
    • "Әдәби җәүһәрләр"
    • "Яшь татнетчылар"
    • "Айның иң яхшы ресурсы"
  • белем+
    • Әдипләр
    • Татар теле һәм әдәбияты
    • Гарәп-фарсы алынмалары сүзлеге
    • Алгебра
  • укытучы+
    • Репетиторлар
    • Блоглар

Яңа кулланучылар

dinara_harisova@mail.ru сурәте
dinara_harisova...
Albina1 сурәте
Albina1
guliya giniatullina сурәте
guliya giniatullina

Хәзер online: 0 кулланучы

Copyright © ООО "Белем.ру", 2021. Татнетны үстерү фонды ярдәме белән эшли | Адаптив дизайн-вёрстка: Рузәл Зарипов
"Блоглар" һәм "Ресурслар" бүлекләрендәге авторларның материалларын тулысынча яисә өлешчә күчереп алганда чыганакка сылтаманы күрсәтү аермачык!
  Яндекс.Метрика   Сайт сыйфаты индексы
өскә ↑