Россия мәктәпләрендә яңа эксперимент кертергә планлаштыралар. Бу хукта Россия Федерациясенең Мәгариф һәм фән министры Андрей Фурсенко ЮНЕСКОның Парижда узган Генераль конференциясендә беренче булып журналистларга әйтә. “Мәктәп укучыларының өлгерешлелеге 10 баллы система буенча бәяләнә башлаячак. Яңа системага 4-6 елдан күчәргә мөмкинбез”, - дигән министр.

Укучыларны 100 баллы БДИга әзерләү өчен генә булса да, мәктәпләрдә дифференцияле бәяләү шкаласына күчәргә кирәк, дип саный Андрей Фурсенко.

РИА Новости хәбәр итүенчә, яңалык эксперимент буларак быел ук кертелергә мөмкин. Ләкин сүз “революция” турында бармый, дип тә өстәгән ведомство башлыгы.

"Кызлар-егетләр яңа бәяләү шкаласын танырга, ә әти-әниләр һәм мөгаллимнәр нинди билгенең нинди эшкә куелуын үзләре өчен төгәл бәяләргә тиеш”, - дип саный Фурсенко.

"Барлык урта мәктәп өчен дә мәҗбүри булган ситемага килгәндә, Россиягә уртак система буларак ул дүрт-биш-алты елдан да иртәрәк барлыкка килмәячәк”, - дип министр сүзләрен китерә мәгълүмат агентлыгы.

Киләчәктә Россия укучылары мәктәптә ничә балл алырга мөмкин? Бу әлегә мәгълүм түгел. Министр белгечләрдән тәкъдимнәр көтә.