КФУның Каюм Насыйри институты Санкт-Петербург фәнни-мәгариф үзәге (Чайковский ур., 24 йорт, 5 кат) татар теле курсларын торгызу турында игълан итә. Яңа семестр 4 октябрьдә башлана. Дәресләр якшәмбе саен 15:00 сәгатьтә үткәреләчәк, төп укытучы — тәҗрибәле педагог һәм методист, татар телен яхшы белүче, Санкт-Петербург татар хатын-кызларының «Ак калфак — Нева» иҗтимагый оешмасы җитәкчесе Фирая Илгизәр кызы Рәшитова (+7-911-255-52-26, эл. почта: fira-ya@mail.ru). Аңа лингвист, «Татарский язык с нуля: самоучитель для начинающих» дәреслеге авторы Максим Кузнецов ярдәм итәчәк. Курслар каршында шулай ук укытучыларга үз эшчәнлек юнәлешләрен билгеләргә ярдәм итә торган фәнни-методик совет та эшләп килә, анда Фирая Илгизәр кызы һәм Максим Юрьевичтан тыш, филологлар Артем Кураев һәм Алла Панова да керә.

Телне өйрәнү коммуникатив методикалар (сөйләм өлеше өчен Фирая Илгизәр кызы җаваплы) һәм Россия фәннәр академиясенең Казан фәнни үзәгенең күп факторлы гуманитар анализ һәм когнитив филология лабораториясе җитәкчесе, Патрис Лумумба исемендәге Россия Халыклар дуслыгы университетының рус теле институты, Татарстан Республикасы Фәннәр академиясе профессоры һәм Татарстан Республикасы удмуртларның милли-мәдәни автономиясе рәисе Алексей Арзамазов тарафыннан язылган «Татарча сөйләшик. Интенсивный курс татарского языка» китабын кулланып үткәреләчәк. Катлаулы грамматик темаларны, узган уку елындагы кебек үк, үз китабын  кулланып Максим Юрьевич аңлатачак. 

Курсларда, гадәттә, төрле яшьтәге кешеләр: кайчандыр балачакта татарча сөйләшүчеләр дә, беркайчан да татар телендә  сөйләшмәгәннәр дә катнаша. Берничә ел эчендә курсларны берничә дистә кеше уңышлы узган.
 
Курсларда аралашуга һәм телне үзләштерүгә, фикердәшләрне табарга ярдәм итә торган иркен, ирекле мохит тудырыла. Телне өйрәнүдән тыш, курсны тыңлаучылар даими рәвештә Каюм Насыйри институтында үткәрелә торган мәдәни чараларда: китап презентацияләрендә, ачык лекцияләрдә, кызыклы кешеләр белән очрашуларда, татар телендә үткәрелүче иҗтимагый диктантларда һ.б. катнашачаклар.

Курслар бушлай (Татарстан Республикасы һәм  ярдәме белән үткәрелә). Татар телен өйрәнергә теләүчеләрнең барысын да 4 октябрь көнне 15:00 сәгатьтә Чайковский ур., 24 йорт адресы буенча (иң якын метро станциясе — «Чернышевская»)  Татар мәдәни үзәгенә беренче дәрескә көтеп калалар.