Россия Федерациясе Мәгариф министры Сергей Кравцов 21 августта Тверьгә эш сәфәре барышында август педагогик киңәшмәсенең пленар утырышында чыгыш ясады. Ведомство башлыгы төбәктә мәгариф үсеше динамикасын бәяләде һәм 2026/27 уку елына планлаштырылган яңалыкларга тукталды.

Киңәшмә барышында төбәк педагоглары мәгариф министрына үзләрен кызыксындырган сорауларны юлладылар. Тверь шәһәренең 12 нче күппрофильле гимназиясенең информатика укытучысы Алексей Морозов укучылар өчен ясалма интеллект технологияләрен куллану нигезләре буенча курс булдырырга тәкъдим итте. Сергей Кравцов педагогның дәрестән тыш программаны гамәлгә ашыру идеясен хуплады. 2026/27 уку елының икенче чирегеннән Россиянең барлык мәктәпләрендә «Ясалма интеллект һәм мәгълүмати куркынычсызлык» дигән яңа курс кертү планлаштырыла.

2026/27 уку елында 5-7 сыйныфларда «Россиянең рухи-әхлакый мәдәнияте» фәнен этаплап кертү, 8-9 сыйныфлар өчен бердәм тарих дәреслекләре һәм 9-10 сыйныфлар өчен җәмгыять белеме дәреслекләре, 8-9 һәм 10-11 сыйныфлар өчен «Иминлек һәм Ватанны саклау нигезләре» фәне буенча федераль программаларны яңарту көтелә. Шулай ук мәктәпләрдә үз-үзеңне тотышны бәяләү бердәм өч дәрәҗәле шкала буенча («үрнәк», «рөхсәт ителә торган», «рөхсәт ителми торган») сынау кертеләчәк.