Максат:  

1. Сыйфат темалары буенча өйрәнелгәннәрне  гомумиләштерергә, ныгытырга, системага салырга.
2. Укучыларның  үз фикерләрен әйтә, дәлилли, шулардан чыгып нәтиҗә ясый белүләренә ирешергә.        
3. Аналарга, гаиләгә карата хөрмәт, ярату хисе, игътибарлылык тәрбияләргә.

Җиһазлау: дәреслек, “Сыйфат” темалары буенча компьтер аша күрсәтергә      әзерләнгән слайдлар, перфокарталар, карточкалар, эшлекле төркемнәрнең исемнәре (корректорлар, тел белгечләре, тикшерүчеләр), “Гаиләдә ана” картинасы.

Материал: Р. Харисның “Әнием” шигыре; Г. Ясәбиеваның методик кулланмасы; “Хәзерге татар әдәби теле” китабы; “Ачык дәрес” газетасы, 2007ел, декабрь; Ф.С. Вәлиева, Г.Ф. Саттаровларның методик кулланмасы, “Раннур”, 2000 ел.                  

Дәрес барышы.

I . Кереш өлеш.
1. Оештыру.

а) психологик уңай халәт тудыру; дежур укучының рапорты ( сыйныфта мин дежур; бүген 21 нче декабрь, атнаның дүшәмбе көне;дәрескә барлык сыйныфташларым да килгән; бүген көн салкынча, җәяүле буран уйнап тора, кояш куе болыт артына качкан, җил ап-ак кар бөртекләрен уйната.

2. Өй эшен тикшерү.

а) укучыларга диалогларын укыту, фикер алышу; диалогтагы сыйфатларны әйттерү (“Кошлар – безнең дусларыбыз” темасына, сыйфатларны кулланып, диалог төзергә иде)

II. Төп өлеш.

1. Укучыларның белемнәрен актуальләштерү һәм ныгыту.

 а) “Сыйфат модулен” төзү (презентациянең 3 нче бите ачыла)

- Предметның билгесен белдерүче сүз төркеме ничек дип атала?  
- Сыйфат предметның нинди билгеләрен белдерә? 
- Нинди сорауларга җавап бирә?  
- Сыйфат нинди ике төргә бүленә?
- Сыйфат модулендә тагын нәрсәне чагылдыра аласыз? (презентациянең 4 нче бите ачыла)
- Ничә төрле дәрәҗә бар, алар ничек атала?

(дәвамы - беркетелгән файлда)