Казанда укучылар арасында «Мәктәп кулинарлары марафоны» конкурсының ярымфиналы тәмамланды. Бәйгедә башкалабызның 14 мәктәбеннән 8–9 нчы сыйныфлардагы 60 укучы катнашты. «Пешекче» һөнәре буенча 1 нче баскычка 32 нче мәктәп, икенчедә – 71 нче мәктәп, өченчедә – 146 нчы «Ресурс» үзәге осталары күтәрелде. «Официант» номинациясендә 33 нче гимназия 1 нче урында. 2 нче һәм 3 нче урыннарны шул ук 71 нче һәм 146 нчы белем йортлары командалары бүлеште.

Шунысын да әйтик: әлеге бәйге Казандагы Халыкара сервис көллияте, Татарстан рестораторлары һәм отельерлары ассоциациясе, «Бердәм Россия» Россиякүләм сәяси партиясенең Татарстан төбәк бүлеге, Казан шәһәренең туризмны үстерү комитеты белән берлектә оештырылды. Бәйгенең финал өлеше майда ЦУМда үткәреләчәк.