Гадәттән тыш хәлләр министрлыгы якындагы тәүлекләрдә аномаль явым-төшем турында кисәтте. Шуңа бәйле рәвештә, мәктәпләр вакытлыча дистанцион технологияләр кулланып укытуга күчерелә, дежур сыйныфлар булачак.
Балалар бакчаларында дежур төркемнәр оештырылачак. Спорт, мәдәният, яшьләр сәясәте өлкәсендәге өстәмә белем бирү учреждениеләре дә дистанцион укыту рәвешендә эшләячәк.

Урта махсус һәм югары уку йортларына шулай ук уку процессын дистанцион укыту формасына күчерергә тәкъдим ителде.