Мәгариф һәм фән өлкәсендә күзәтчелек федераль хезмәте (Рособрнадзор) беренче мәртәбә Казанның 24 мәктәбенә «Белем бирү оешмалары өчен сыйфат билгесе»н тапшырды.

7 нче номерлы гимназия, 122 нче номерлы лицей, 131 нче номерлы лицей, «Елена-сервис» мәктәбе, 2 нче номерлы лицей-интернат, КФУ IT-лицее, лицей-инженерлык үзәге һәм Лобачевский исемендәге лицей «Белем бирүдә югары нәтиҗәләр» билгесен алды.

9, 12 нче номерлы мәктәпләр, 3, 19, 94, 102, 139, 179 нчы номерлы гимназияләр, 23, 26, 83, 187 нче номерлы лицейлар, Лобачевский исемендәге лицей, КНИТУ-КАИ инженерлык лицее, Бала-Сити академиясе, Казанның Халыкара мәктәбе һәм 2 нче номерлы татар гимназиясе «Бәяләүнең югары культурасы» билгесенә лаек булды.

Рособрнадзорның «Сыйфат билгесе» проекты узган елны старт алды. Ул ике юнәлештә гамәлгә ашырыла.