«Гаилә һәм мәктәп» журналында КФУның Филология һәм мәдәниятара багланышлар институты белән берлектә мәктәп укучылары өчен Туган тел олимпиадасы башланып китте.

Татар теле һәм әдәбиятына кагылышлы бәйге сораулары журналның гыйнвар санында урнаштырылган. Олимпиада ике турдан тора, һәр катнашучыга электрон сертификатлар әзерләнә. Иң күп балл җыйган җиңүчеләрне тәбрикләү тантанасы апрель аенда КФУның Филология һәм мәдәниятара багланышлар институтында булачак.

Туган тел олимпиадасында катнашу шартлары белән язмага беркетелгән нигезләмә аша таныша аласыз. Олимпиада җаваплары белән катнашучы анкетасы  электрон http://gaila-mektep@mail.ru адресына кабул ителә.