Татарстан Республикасы «Цифр дәресе» һәм «Цифрлы ликбез» мәгариф проектларында катнашу активлыгы буенча ил лидерлары бишлегендә позицияләрен ныгытты.

«Бүгенге көндә цифрлы грамоталылык – модалы күнекмә генә түгел, ә һәр укучы өчен ихтыяҗ. Безнең бурыч – балаларга киберһөҗүмнән сакланырга һәм цифрлы дөньяда үсәргә ярдәм итәчәк актуаль белем бирү», – дип билгеләп үтте ТР Цифрлы үсеш министры урынбасары Булат Габдрахманов.

2025 елда Татарстан Республикасының Цифрлы министрлыгы әйдәп баручы IT-компанияләр белән берлектә бөтен республика буенча 15 сәгатьлек дәрес үткәрде. Булат Габдрахманов технологик лидерлар вәкилләре белән бергә алып барган дәресләрдә 1 200ләп укучы катнашты.