Татарстанлылар Мәгариф һәм фән министрлыгының киләсе елда беренче чиратта нәрсәләрне эшләргә тиешлеген билгеләде. Ведомствоның иҗтимагый советы утырышында халык тавыш бирү юлы белән сайлап алынган 2026 елга максатлар исемлеге расланды.

Татарстан Республикасы Мәгариф һәм фән министрлыгы каршындагы иҗтимагый совет рәисе Асия Тимирясова, нәтиҗәләр ясап, аларны анализлады.
Совет 2026 елга ТР Мәгариф һәм фән министрлыгының ачык максатлар исемлеге сыйфатында лидерлык итүче барлык җиде бурычны раслады.

– Актуаль һөнәр алу өчен 60 заманча белем бирү программасы төзү (44,5% тавыш);
– Балаларның техник өстәмә белем белән тәэмин ителешен 10 % тан 15 % ка кадәр арттыру (38,9 %);
– Көллият һәм техникумнарның 75%-ын модернизацияләү, чыгарылыш укучыларының эшкә урнашуын 70%-ка кадәр күтәрү (34,4 %);
– Мәктәп укучылары һәм студентлар арасында фәнгә кызыксынуны үстерү;
– Максатчан формада укып югары уку йортларын тәмамлаучыларның мәктәпләрдә предметлар буенча кимендә 80%-ын әзерләүне тәэмин итү;
– Балаларның юл-транспорт җәрәхәтләре очракларын профилактикалауга ата-аналарны җәлеп итү;
– «Физмат алгарыш» проекты кысаларында физика һәм математика фәннәреннән 100 яңа түгәрәк булдыру.