8 декабрьдә Ленин мәдәният сараенда булган йомгаклау чарасында Казанның район турларында җиңү яулаган 8 кыз һәм 8 егет «Татар кызы» һәм «Татар егете» исеме өчен көч сынашты.

Финал өчен егетләр, кызлар махсус визит карточкасы, танылган шәхес белән берлектә иҗади номер әзерләгәннәр иде. Өченче бирем шарты буенча халык язучысы Т.Миңнуллин иҗатына багышланган чыгыш күрсәтелде.

«Татар кызы – 2025» исеменә Вахитов районыннан Советлар Союзы Герое А.С. Умеркин исемендәге 116 нчы номерлы лицей укучысы Әхмәтҗанова Әминә лаек булды.

 «Татар егете – 2025» исеменә Идел буе районыннан «Галәм» 18 нче номерлы гимназия укучысы Галиев Кәрим ия булды.