РФ Мәгариф министрлыгы һәм Мәгариф һәм фән өлкәсендә күзәтчелек федераль хезмәте (Рособрнадзор) Бердәм дәүләт имтиханы даталарын игълан итте. Боерык хокукый актлар рәсми порталында урнаштырылган: http://publication.pravo.gov.ru/document/0001202512050013?index=1

Беренче булып БДИны тарих, химия һәм әдәбият фәнен сайлаган укучылар тапшырачак. Аларның имтиханы 1 июньгә билгеләнгән. Рус теле һәм математикадан мәҗбүри чыгарылыш имтиханнары 4 һәм 8 июньдә булачак.

Имтиханнарның берсенә килә алмаган укучылар өчен 22 июньнән 25 июньгә кадәр өч резерв көн планлаштырылган. БДИны яңадан тапшыру көннәре 8 һәм 9 июльгә билгеләнгән.