«Россия тәрбиячеләре» XIII Бөтенроссия конкурсына йомгак ясалды. Анда Татарстан педагоглары республиканы тәкъдим итте.

Татарстан Республикасыннан лауреатлар – Снежана Осипова (Питрәч районы Яңа Шигали авылының «Росток» балалар бакчасы мөдире), Татьяна Макарова (Казанның Вахитов районындагы 63 нче номерлы балалар бакчасының өлкән тәрбиячесе), Ирина Савина (Яр Чаллы шәһәре «Балачак планетасы» 98 нче номерлы балалар бакчасының балалар үсеше үзәге тәрбиячесе).

Һөнәри конкурслар «Яшьләр һәм балалар» илкүләм проектының «Педагоглар һәм остазлар» федераль проектының төп бурычларына туры килә.

Җиңүчеләрне бүләкләү тантанасы 2025 елның 5 декабрендә Мәскәүдә үткәреләчәк.