Конкурс Туган якка карата мәхәббәт һәм хөрмәт формалаштыруга, Россиянең традицион кыйммәтләрен саклауга һәм арттыруга, милләтара дустанә мөнәсәбәтләрне ныгытуга һәм төрле илләрнең үсеп килүче буыннары арасында халыкара элемтәләрне үстерүгә юнәлдерелгән. Конкурс кысаларында катнашучылар үзләре өчен аеруча кызыклы вакыйгаларны, традицияләрне, Ватаннарының истәлекле урыннарын сайлап алалар һәм алар турында чит илдәге ватандашларына һәм яшьтәшләренә сөйлиләр.

Бәйгедә өч номинация тәкъдим ителгән (текст бите-презентация, видеоролик, рәсем). Катнашу өчен яшь һәм башка чикләүләр юк – эшне дөньяның теләсә кайсы ноктасыннан теләгән һәркем җибәрә ала. Конкурста Россия халыклары йортының махсус номинациясе тәкъдим ителгән.

Конкурс нәтиҗәләре буенча барлык катнашучыларга электрон сертификатлар һәм Рәхмәт хатлары, остазларга рәхмәт хатлары тапшырылачак. Иң яхшы 100 эшнең авторлары махсус үрнәктәге дипломнарга, җиңүчеләр дипломнар һәм истәлекле бүләкләргә ия булачак. Барлык җиңүчеләр дә Мәскәүгә дәүләт һәм җәмәгать эшлеклеләре катнашындагы бүләкләү тантанасына чакырыла.

Эшләр 2025 елның 1 сентябреннән 2026 елның 1 апреленә кадәр www.youthy.ru. сайтында кабул ителә. Конкурс шартлары һәм гаризалар җибәрү турында тулырак мәгълүмат Нигезләмәдә бирелгән.