Балтач районында «Ел укытучысы – 2025» бәйгесе башланып китте. Бу абруйлы бәйге укытучыларның профессиональ осталыгын күрсәтү, яңа методлар белән уртаклашу һәм белем сыйфатын арттыру максаты белән оештырыла.

«Ел укытучысы – 2025» бәйгесе кысаларында үз көчләрен сынап карарга 27 укытучы теләк белдергән. Конкурсантлар үзләренә таныш булмаган укучылар белән дәрес күрсәтәчәк. Бәйгенең беренче көне Смәел урта мәктәбендә үткәрелде, биредә 6 укытучы катнашты.

Конкурсның киләсе этаплары районның башка мәктәпләрендә дәвам итәчәк.