Бүген Татарстан Республикасының «Белем» мәгариф музеенда «Авыл укытучысы / Авыл тәрбиячесе – 2025» бәйгесе җиңүчеләрен бүләкләү тантанасы булды. Аларны ТР Мәгариф һәм фән министры Илсур Һадиуллин тәбрикләде.

«Авыл укытучысы–2025» номинациясе җиңүчеләре: 

1 нче урын — Җиһаншин Алмаз Равил улы, информатика һәм физика укытучысы (Кайбыч районы Кошман төп мәктәбе)

2 нче урын — Сафиуллина Гелинә Ямалетдин кызы, рус теле һәм әдәбияты укытучысы  (Питрәч районы Кощак урта мәктәбе)

3 нче урын — Мортазина Ләйсән Габбас кызы, башлангыч сыйныфлар укытучысы  (Мөслим районы Мөслим гимназиясе)

«Авыл тәрбиячесе-2025» номинациясе җиңүчеләре: 

Хәсәнова Гөлинә Кираметдин кызы, татар төркемендәге тәрбияче (Лаеш районы Комлы Кавал «Умка» балалар бакчасы)

Хитцова Алена Викторовна, рус төркемендәге укытучы-логопед (Питрәч районы Яңа Шигали авылындагы «Росток»  балалар бакчасы)

Фикерләр: 

Хәсәнова Гөлинә Кираметдин кызы: 

— Бу конкурста катнашу миңа күңел үстерү өчен дә кирәк булган икән дигән фикергә килдем. Ә җиңү яулагач, бу конкурс минем җилкәмә тагын да җаваплылык өстәде. Әлеге дәрәҗәне аклау өчен тагын да тырышып эшләргә кирәк. 

Җиһаншин Алмаз Равил улы:

— Җиңү яулау бер яктан шатлыклы булса, икенче яктан җаваплы да. Мин әлеге бәйгедән яңа планнар, яңа көч туплап, алга таба эшләргә дигән фикер белән кайтам.