Татарстан Юстиция министрлыгын янә Рөстәм Заһидуллин, Мәгариф һәм фән министрлыгын Илсур Һадиуллин, Мәдәният министрлыгын Ирада Әюпова, Экология һәм табигый ресурслар министрлыгын Александр Шадриков җитәкләде.

Бүген Татарстан Республикасы Рәисе Рөстәм Миңнеханов әлеге министрларда үз постларын саклап калу турындагы указларга кул куйды.

Рөстәм Заһидуллин үзе җитәкләгән министрлык белән 2017 елның июненнән, Илсур Һадиуллин – 2020 елның сентябреннән, Ирада Әюпова – 2018 елның маеннан, ә Александр Шадриков 2018 елның февраленнән җитәкчелек итә.