«Мәгариф», «Гаилә һәм мәктәп» журналлары редакциясе, ТР Мәгариф һәм фән министрлыгы, Бөтендөнья татар конгрессы, Лаеш районы Имәнкискә урта мәктәбе белән берлектә «Авыл укытучысы – 2025» бәйгесен игълан иткән иде. 12 августта аның I турына нәтиҗәләр ясалды. Барлыгы конкурска быел 100 дән артык эш килде. Жюри шулардан 48 конкурсантны II турга катнашу өчен сайлап алды.

«Авыл укытучысы/Авыл тәрбиячесе – 2025» конкурсының II турына видеоматериалларны түбәндәге темалар буенча әзерләргә кирәк:

• «Ватанны саклаучылар елы һәм Бөек Җиңүнең 80 еллыгы»;
• «Татарстанның халык язучысы, драматург, Г.Тукай исемендәге дәүләт бүләге иясе Туфан Миңнуллинның тууына 90 ел»;
• «Күренекле татар мәгърифәтчесе, әдәбият белгече, галим-этнограф Каюм Насыйриның тууына 200 ел»;
• «ТАССРның халык артисты, күренекле татар композиторы Салих Сәйдәшевнең тууына 125 ел».

Икенче турга үткән конкурсантларның исемлеге: https://magarif-uku.ru/news/contest_tt/avyl-ukytucylaryn-zur-bulaklar-kota