«Уңыш векторы» Бөтенроссия укучылар үзидарәсе лидерлары форумында катнашу өчен сайлап алу этабы старт алды. Гаризалар 2025 елның 25 июленә кадәр форумвекторуспеха.рф сайтында кабул ителә. 

Дәгъва итүчеләргә ике конкурс биремен үтәргә кирәк. Беренчесе –  укучылар үзидарәсенең әһәмияте хакында видеоролик яздырырга. Икенче биремдә укучылар өчен актуаль булган ике проблеманы хәл итеп, аларны чишү планын тәкъдим итү сорала. Моннан тыш, мәгариф учреждениесеннән рәсми рекомендация  хатын да теркәргә кирәк.

2025 елның көзендә «Артек» үзәгендә үткәреләчәк форумда конкурс сайлап алу этабының 1 000 җиңүчесе катнашачак. Алар өчен стратегик фикерләүне, укучыларның үзидарә советларында эшләүнең лидерлык сыйфатларын һәм практик күнекмәләрен үстерүгә юнәлдерелгән бай программа әзерләнгән. 

Сайлап алу этабы 2025 елның 1 июленнән алып 23 августына кадәр үткәреләчәк, форматы – дистанцион.