Чистайда Идел буе федераль округы фестивале кысаларында "Балачак йолдызлары" балалар иҗаты конкурсының төбәк сайлап алу этабы узды. Бу вакыйга балалар йортларында тәрбияләнүчеләрне һәм интернат-мәктәпләрне берләштерде, аларга талантларын күрсәтү һәм яңа дуслар табу мөмкинлеге бирде.

Фестивальгә Татарстан Республикасының төрле почмакларыннан катнашучылар җыелды: Әлмәт, Алабуга, Казан, Лаеш, Лениногорск, Минзәлә, Түбән Кама һәм Чистай районнарыннан . Аларның һәркайсы үз иҗаты белән уртаклашу, бәйрәм энергиясе алу һәм зур сәхнәгә беренче адым ясау өчен килгән.

Балаларны Галина Задворнова һәм Алсу Әсәдуллина сәламләделәр.