13 апрельдә 14:00 сәгатьтә Мәскәү Татар мәдәни үзәгендә балалар өчен иҗат фестивале була. Бу хакта Мәскәү татарлары автономиясе хәбәр итә.

Әлеге фестивальгә яшь талантларны вокал, хореография, театр сәнгате, сәнгатьчән иҗат кебек төрле жанрларда үз сәләтләрен күрсәтергә чакыралар. Әлеге чара – балаларның иҗади потенциалын үстерү, тәҗрибә уртаклашу һәм татар мәдәниятенең бай мирасы белән танышу мәйданчыгы. Фестивальдә иҗат коллективлары һәм ялгыз башкаручылар катнаша ала.

Гаризаларны 7 904 464 54 68 номерына һәм galimowa.ilmira2015@yandex.ru электрон почта адресына юлларга мөмкин.